ចាប់ស្រាតខោលីអូ រំលោភប្អូនស្រីជីដូនមួយ រហូតបានសម្រេច នៅកណ្តាលរោងបុណ្យ
ខេត្តកណ្តាល ៖ ក្មេងស្រីអាយុ ១១ឆ្នាំម្នាក់ ត្រូវបានបងប្រុសជីដូនមួយ ចាប់រំលោភរហូតបានសម្រេច ពេលដែលកុមារីរងគ្រោះ កំពុងដេកលក់ក្នុងដំណេក នៅក្រោមផ្ទះឪពុកមា ដែលរៀបចំធ្វើបុណ្យ ស្ថិតក្នុងភូមិវាល ឃុំស្អាងភ្នំ ស្រុកស្អាង ខេត្តកណ្ដាល ហើយកុមាររីរងគ្រោះ ភ្ញាក់ពីដំណេក ក៏ឃើញមុខជនសង្ស័យ ធ្វើសកម្មភាពរំលោភ រហូតសម្រេចទៅហើយ។
ក្រោយពេលបង្កហេតុ ជនសង្ស័យបានព្យាយាម គេចខ្លួនបាត់មួយយប់ រហូតដល់រសៀលថ្ងៃទី៨ ខែកុម្ភៈ ឆ្នាំ២០១៥ សមត្ថកិច្ចមូលដ្ឋាន បានឃាត់ខ្លួនជនសង្ស័យ បញ្ជូនទៅកាន់អធិការដ្ឋាននគរបាលស្រុកស្អាង ដើម្បីសាកសួរ និងកសាងសំណុំរឿង ចាត់ការតាមច្បាប់។ ជនសង្ស័យ មានឈ្មោះ ណូ សុភាព ហៅប៉ោង ភេទប្រុស ឣាយុ ១៨ឆ្នាំ មុខរបរ មិនពិតប្រាកដ រីឯក្មេងស្រីរងគ្រោះឈ្មោះ ពពស អាយុ ១១ឆ្នាំ ជាសិស្ស ហើយជនសង្ស័យ និងជនរងគ្រោះ ត្រូវជាបងប្អូនជីដូនមួយនឹងគ្នា មានទីលំនៅក្នុងភូមិវាល ឃុំស្អាងភ្នំ ស្រុកស្អាង ខេត្តកណ្ដាល ។
សមត្ថកិច្ចបានរំលឹកថា កាលពីថ្ងៃទី៧ ខែកុម្ភៈ ឆ្នាំ២០១៥ កន្លងទៅនៅផ្ទះរបស់ឈ្មោះ ណន ណាត ដែលត្រូវជាឪពុកមា ក្មេងស្រីរងគ្រោះ មានរៀបចំពិធីបុណ្យខួប ៨ឆ្នាំ ហើយក្មេងស្រីរងគ្រោះ និងយុវជនសង្ស័យ ដែលជាក្មួយរបស់ឈ្មោះ ណន ណាត បានទៅចូលរួមបម្រើភ្ញៀវ និងរាំលេងកំសាន្តផងដែរ។ ក្រោយពីបំរើភ្ញៀវ និងរាំលេងកំសាន្ត ក្មេងស្រីរងគ្រោះ មិនបានត្រឡប់ទៅកាន់ លំនៅឋានរបស់ខ្លួនទេ ដោយបាននៅដេកលើគ្រែ ក្រោមផ្ទះឪពុកមា ជាមួយប្អូនៗជីដូនមួយ ២នាក់ទៀត។
រហូតដល់វេលាម៉ោង កើតហេតុខាងលើ ជនសង្ស័យក៏បាន លបលួចឡើងទៅលើគ្រែ របស់ក្មេងស្រីរងគ្រោះ ហើយក៏បានធ្វើសកម្មភាព ចាប់ស្រាតខោក្នុង របស់ក្មេងស្រីរងគ្រោះ ហើយធ្វើសកម្មភាព រំលោភរហូតសម្រេច ខណៈដែលក្មេងស្រីរងគ្រោះ ដេកលង់លក់ក្នុងដំណេក។ ពេលជនសង្ស័យ កំពុងធ្វើសកម្មភាពនោះ ក្មេងស្រីរងគ្រោះ បានភ្ញាក់ពីដំណេក ក៏ស្រែយំបង្កឲ្យមានការភ្ញាក់ផ្អើល នៅវេលាទៀបភ្លឺ។ ម្តាយក្មេងស្រីរងគ្រោះ បានយកសំពត់កូនស្រី ដែលមានប្រលាក់ទឹកកាម ទៅដាក់ពាក្យបណ្តឹង ឲ្យសមត្ថកិច្ចឃាត់ខ្លួន ជនសង្ស័យ ដើម្បីចាត់ការតាមផ្លូវច្បាប់៕
ស្រវឹងស្រឿងៗស្រាប់តែមានអារម្មណ៏ផ្លូវភេទ ឃើញគេចោមពុងបោកខោ អាវ ចាប់រំលោភទាល់តែបានសម្រេច
បាត់ដំបង ៖ នារីរងគ្រោះម្នាក់ ត្រូវបានបុរសល្មោភតណ្ហាល្បួងចាប់រំលោភរហូតបានសម្រេចនៅក្បែរគុម្ពចេក ជិតជង្រុកស្រូវ ខណៈដែលបុរសរូបនេះត្រឡប់មកពីស៊ីការរាងស្រវឹងស្រឿងៗ ហើយឃើញនាងកំពុងអង្គុយចោមពុង បោកខោ អាវតែម្នាក់ឯង ក៏កើតអារម្មណ៍ ទើបដើរទៅបបួល និងចាប់នាងរំលោភតែម្តង។
យោងតាមពាក្យបណ្តឹងរបស់បុរសដែលត្រូវជាឪពុកនារីរងគ្រោះ ឈ្មោះ ហួន យ៉ុន អាយុ ៦០ឆ្នាំ រស់នៅក្រុមទី១០ ភូមិអូសទូក ឃុំកំពង់ព្រៀង ស្រុកសង្កែ ខេត្តបាត់ដំបង បានធ្វើការចោទប្រកាន់ទៅលើយុវជនម្នាក់ឈ្មោះ រាជ លីន ភេទប្រុស អាយុ២០ឆ្នាំ រស់នៅក្រុមទី១១ ភូមិ ឃុំ ជាមួយគ្នា ដែលបានចាប់រំលោភទៅលើកូនស្រីរបស់គាត់ ឈ្មោះ ម.ស.ខ អាយុ១៧ឆ្នាំ ម៉ោង១២ និង ៣០ នាទី ថ្ងៃត្រង់ នៅខាងក្រោយផ្ទះរបស់គាត់តែម្តង។
លោក មួរ ឡាន អធិការរងនៃអធិការដ្ឋាន នគរបាលស្រុកសង្កែ បានលើកឡើងថា ក្រោយពីបានទទួលពាក្យបណ្តឹង រួចមក លោកក៏បានធ្វើការទំនាក់ទំនង និងបានសុំគោលការណ៍ទៅលោកព្រះរាជអាជ្ញា ដើម្បីចុះឃាត់ខ្លួនយុវជនដែលជាជនសង្ស័យខាងលើ គឺធ្វើឡើងនៅ ដើម្បីនាំយកមកសាកសួរនៅអធិការដ្ឋាន។
តាមចម្លើយសារភាព ជនសង្ស័យបាននិយាយរៀបរាប់ថា នៅមុនពេលកើតហេតុគឺខ្លួនមានសភាពស្រវឹងស្រឿងៗទៅហើយ ដោយសារតែផ្ទះរបស់ខ្លួននៅជិតនឹងផ្ទះរបស់នារីរងគ្រោះ គឺពេលនោះខ្លួនបានឃើញនាងស្លៀកសារុងចោមពុង អង្គុយបោកខោ អាវ នៅខាងក្រោយផ្ទះក្បែរមាត់ស្រះទឹក ទើបខ្លួនក៏បានដើរទៅអង្គុយក្បែរ ហើយបានឱបថើបនាង តែពេលនោះនាងក៏បានរើបម្រាស់ ឯខ្លួនក៏បានដើរទៅផ្ទះវិញ។
ក្នុងរយៈពេលប្រមាណ៣០នាទីក្រោយមក ខ្លួនក៏បានទូរស័ព្ទទៅនាងហើយបានប្រាប់នាងថាឲ្យដើរមកក្បែរជង្រុកស្រូវមួយភ្លែត ដែលមានគុម្ពចេកច្រើន ព្រោះខ្លួនមានការនិយាយប្រាប់រឿងមួយចាំបាច់។ ពេលនោះនាងក៏បានដើរមកមែនទាំងស្លៀកសារុងចោមពុងផង ទើបខ្លួនក៏បានចាប់នាងផ្តួលនៅក្បែរគុម្ពចេក ហើយក៏ចាប់ផ្តើមរួមភេទជាមួយនាង រហូតបានសម្រេច ទើបត្រឡប់ទៅផ្ទះវិញ ឯនាងក៏បានទៅបោកខោ អាវជាធម្មតា តែក្រោយមកក៏ស្រាប់តែត្រូវសមត្ថកិច្ចចុះទៅឃាត់ខ្លួនតែម្តង។
Post a Comment