ចាំថ្ងៃរៀបការយូរពេក…! បុរសម្នាក់ នាំគូរដណ្តឹងចូលផ្ទះសំណាក់ សម្ភោធមុនរៀបការបានសម្រេច៤ដង
ចាំថ្ងៃរៀបការយូរពេក…! បុរសម្នាក់ នាំគូរដណ្តឹងចូលផ្ទះសំណាក់ សម្ភោធមុនរៀបការបានសម្រេច៤ដង ម្ដាយខាងស្រីប្ដឹងប៉ូលិសចាប់ដាក់ខ្នោះ។
តាកែវៈ ហេតុការណ៍នេះ នៅចំណុចផ្ទះសំណាក់មួយកន្លែង យីហោ សុខសាន្ត ស្ថិតនៅរាជធានីភ្នំពេញ ។ បុរសម្នាក់ ដោយសារតែចាំថ្ងៃរៀបការយូរពេក ក៏សម្រេចចិត្តនាំគូរដណ្តឹងថ្មីថ្មោង ចូលដេកផ្ទះសំណាក់ហើយរួមមេត្រីជាមួយនាងបានសម្រេចដល់ទៅ៤ដង រួចដឹកនាងមកផ្ទះវិញ រួចមិនយូប៉ុន្មានក៏ត្រូវបានសមត្ថកិច្ចនគរបាលចាប់ខ្លួនតាមពាក្យបណ្ដឹងរបស់អនាគតម្ដាយក្មេកដោយសារតែបុរសនោះ បាននាំកូនស្រីរបស់គាត់ទៅដេកនៅផ្ទះសំណាក់ទាំងមិនទាន់រៀបការ។
លោកអធិការស្រុកត្រាំកក់បានឲ្យដឹងថា ជនសង្ស័យមានឈ្មោះ ប៊ូ រិទ្ធី ភេទប្រុស អាយុ២១ឆ្នាំ រស់នៅភូមិត្រាវឯម ឃុំពពេល ស្រុកត្រាំកក់ ខេត្តតាកែវ ។
បើតាមសម្តីស្ត្រីឈ្មោះ ចេប សំហ៊ី ត្រូវជាម្ដាយរបស់នារីរងគ្រោះបាននិយាយប្រាប់សមត្ថកិច្ចថា កាលពីខែមិថុនា ឆ្នាំ២០១៧ ជនសង្ស័យបាននាំឪពុកម្ដាយ និងបងប្អូនមកចូលស្តីដណ្ដឹងកូនស្រីរបស់គាត់តាមប្រពៃណីទំនៀមទម្លាប់ រហូតដល់អោយស្នាក់នៅក្នុងផ្ទះជាមួយគ្នា ដឹកគ្នាទៅធ្វើការជាធម្មតា តែពុំបានអោយដេកនៅជាមួយគ្នាទេ ។ នៅថ្ងៃកើតហេតុ ឈ្មោះ ប៊ូ រិទ្ធី បានយកម៉ូតូមកឌុបកូនស្រីគាត់ត្រូវជាគូដណ្ដឹង ចេញពីធ្វើការរោងចក្រហើយបានដឹកទៅភ្នំពេញ រួចចូលផ្ទះសំណាក់រួមរក្សគ្នាបានសម្រេច៤ដង លុះដល់ព្រឹក ជនសង្ស័យបានដឹកកូនស្រីគាត់មកផ្ទះវិញក៏បានប្រាប់គាត់ ពីដំណើរដែលពួកគេបានប្រព្រឹត្ត ទើបគាត់ប្ដឹងអោយសមត្ថកិច្ចចាត់ការតាមផ្លូវច្បាប់។
បច្ចុប្បនជនសង្ស័យ ត្រូវបានកម្លាំងជំនាញកសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់៕
Post a Comment